जनकपुर, १ चैत्र । मधेस प्रदेश प्रहरी कार्यालयको प्राङ्गणमा फागु पूर्णिमा (होली पर्व) को अवसरमा विशेष शुभकामना आदानप्रदान कार्यक्रम सम्पन्न भएको छ ।
- Advertisement -
कार्यक्रममा प्रहरी उपरीक्षक ठाकुर प्रसाद पोखरेलको उपस्थितिमा रंग-अबिर लगाई खुसी साटासाट गर्दै आपसी शुभकामना आदानप्रदान गरिएको थियो ।
कार्यक्रममा कार्यालयका जुनियर प्रहरी अधिकृतहरू तथा प्रहरी जवानहरूको उल्लेखनीय उपस्थिति रहेको थियो ।
शुभकामना आदानप्रदानका क्रममा प्रहरी उपरीक्षक पोखरेलले होली पर्वले सामाजिक सद्भाव, मेलमिलाप र आपसी भाइचारालाई सुदृढ गर्ने विश्वास व्यक्त गरेका छन् । उनले होली पर्वलाई मर्यादित, सभ्य र सुरक्षित रूपमा मनाउन आग्रह गर्दै शान्ति सुरक्षाको सुनिश्चितताका लागि प्रहरी प्रशासन सतर्क रहेको जानकारी गराए ।
