चितवन,०९ चैत । हुलाकी सडक केन्द्रीत तराई–मधेस जागरण अभियानको क्रममा नेकपा माओवादी केन्द्रको टोली आज चितवनमा रहेको छ ।
मधेसको अन्तिम सीमा पर्साको ठोरीमा आयोजना गरेको अभियान मधेस प्रदेशको अन्तिम जनसभालाई सम्बोधन गरेपछि नेकपा माओवादी केन्द्रको टोली शुक्रबार साँझै चितवनको माडी प्रवेश गरेको थियो । शुक्रबार साँझ चिनवनको माडी नगरपालिका वडा नम्बर–९ कृष्णनगरमा स्थानीय खड्क बहादुर क्षेत्रीको घरमा बास बसेर आज बिहानै बिहानी पैदल यात्रामा निस्किएका थिए ।
बिहानी पैदल यात्रामा स्थानीय जनतासँग भेटघाट गरी गुनासो, समस्याको जानकारी र सुझाव लिएका थिए । माडीमा बस्ने व्यावस्था वडा अध्यक्ष तथा पार्टीको नगर सचिव घनश्याम दवाडीले व्यावस्थापन गरेका थिए । बिहानी पैदल यात्रापछि अभियान टोली अहिले माडीको बरुवा गर्दीमा कोणसभा सम्पन्न गरेर जगतपुरमा जनसभा गरी काठमाडौं फर्कने पार्टीका प्रचार विभाग सदस्य तथा प्रेस सेन्टर नेपालका उपाध्यक्ष गोविन्द देवकोटाले जानकारी दिए ।
