वीरगंज, १० चैत – साउथ सिटी हिमाल अस्पताल, वीरगञ्जमा दायाँ तर्फको इलियम पेल्भिस हड्डीको जटिल फ्र्याक्चर भएका एक बिरामीको सफल शल्यक्रिया सम्पन्न भएको छ। उक्त जटिल शल्यक्रियालाई अर्थोपेडिक सर्जन डा. चन्द्रभूषण यादव को नेतृत्वमा एनेस्थेसियोलोजिस्ट डा. सन्देश यादव तथा अस्पतालको दक्ष चिकित्सा टोलीले सम्पन्न गरेका हुन्।
सफल ORIF प्रक्रिया
शल्यक्रियाका क्रममा ओपन रिडक्सन एण्ड इन्टरनल फिक्सेसन (ORIF) प्रविधि अपनाइएको थियो, जसअन्तर्गत प्लेटिङ तथा क्यानुलेटेड क्यान्सेलस (CC) स्क्रू फिक्सेसन गरी हड्डीलाई मजबुत बनाइयो। यो विधि हड्डीको पुनः संरचना र शीघ्र निको हुनका लागि अत्यन्तै प्रभावकारी मानिन्छ।
शल्यक्रिया सफलतापूर्वक सम्पन्न भइसकेपछि बिरामी संतोषजनक रूपमा स्वास्थ्य लाभ गरिरहेका छन्। चिकित्सक टोलीका अनुसार, उचित फिजियोथेरापी र देखभालको साथ बिरामी छिट्टै पूर्णरूपमा निको हुने सम्भावना छ।
साउथ सिटी हिमाल अस्पतालले आधुनिक शल्यक्रिया प्रविधि तथा दक्ष चिकित्सा सेवा प्रदान गर्दै आएको छ। बिरामीलाई गुणस्तरीय उपचार दिन कटिबद्ध यस अस्पतालमा हुने शल्यक्रिया र उपचारहरुले क्षेत्रीय स्वास्थ्य सेवा क्षेत्रमा नयाँ आयाम थप्दै छन्।
डा. चन्द्रभूषण यादव र उनको टोलीले उत्तम अर्थोपेडिक उपचार प्रदान गर्दै बिरामीको स्वास्थ्य सुधारमा महत्वपूर्ण भूमिका खेलेका छन्। अस्पताल प्रशासनले सम्पूर्ण चिकित्सा टोलीलाई बधाई ज्ञापन गर्दै भविष्यमा पनि गुणस्तरीय स्वास्थ्य सेवा प्रदान गर्न प्रतिबद्ध रहने आश्वासन दिएको छ।
वीरगञ्ज-१५, पर्सा (विश्वा) मा अवस्थित साउथ सिटी हिमाल अस्पतालले २४ सै घण्टा आपतकालीन सेवा, विशेष परामर्श तथा सम्पूर्ण स्वास्थ्य सुविधा प्रदान गर्दै आएको छ। यस अस्पतालमा बिरामीहरूलाई उच्चस्तरीय सेवा दिन आधुनिक प्रविधि र अनुभवी चिकित्सकहरू उपलब्ध छन्।
