वीरेन्द्रनगर,२३ चैत । सुर्खेतको वीरेन्द्रनगर नगरपालिका-१० स्थित बुलबुले टोलमा आज बिहान गोली चलाइएको घटना बाहिर आएको छ। स्थानीय युवराज रिजालको घरमा गोली प्रहार गरिएको बताइएको छ, जसले घरको छाना छेडेर कोठाभित्र प्रवेश गरेको थियो।
- Advertisement -
घटनाको सम्बन्धमा अनुसन्धान प्रक्रिया शुरु भएको छ, तर हालसम्म कसले र किन गोली चलाएको हो भन्ने बारेमा कुनै स्पष्ट जानकारी प्राप्त भएको छैन।
जिल्ला प्रहरी कार्यालय सुर्खेतका प्रहरी नायव उपरीक्षक विरेन्द्रविर विश्वकर्माका अनुसार, घटनाको सबै पक्षको छानबिन भइरहेको छ।
