काठमाडौं, १० वैशाख । नेपाली सेयर बजारमा गिरावटको क्रम बुधबार पनि जारी रहँदा नेप्से परिसूचक लगातार चौथो दिन घटेको छ। बुधबार सेयर बजार ३२.३८ अंकले घट्दै २६५५ अंकमा झरेको छ। यससाथै बजार कारोबार रकम पनि घटेको देखिएको छ।
साताको पहिलो दिनदेखि लगातार ओरालो लागेको बजारले बुधबार ७ अर्ब ५७ करोड रुपैयाँको कारोबार मात्र गरेको छ, जुन अघिल्लो दिनको ८ अर्ब ३२ करोड रुपैयाँको तुलनामा कम हो।
बजारमा २८ कम्पनीको सेयर मूल्य बढेको छ भने २१७ कम्पनीको मूल्य घटेको छ। एक कम्पनीको मूल्य स्थिर रह्यो। विकास बैंक समूह सबैभन्दा धेरै २.०९ प्रतिशतले घटेको छ। त्यसैगरी, बैंकिङ १.२३, फाइनान्स १.१५, हाइड्रोपावर १.७८, जीवन बीमा ०.४५, माइक्रोफाइनान्स १.०४ र अन्य समूहहरू पनि १ प्रतिशतभन्दा बढीले घटेका छन्। उत्पादन समूहमात्र सानो हरियालीमा देखिएको छ।
त्यसैबीच, नेपाल माइक्रो इन्स्योरेन्स र क्रेस्ट माइक्रोलाइफ इन्स्योरेन्सका सेयर मूल्य १० प्रतिशतले बढेका छन्। राधि विद्युत् र विन्ध्यबासिनी हाइड्रोपावरको क्रमशः ४.३३ र २.७० प्रतिशतले मूल्य बढेको छ।
बुधबार सबैभन्दा धेरै कारोबार भएका कम्पनीहरूमा राधि विद्युत्, एनआरएन इन्फ्रास्ट्रक्चर, ङादी ग्रुप, सानिमा माइ हाइड्रोपावर र एचआईडीसीएल रहेका छन्।
