काठमाडौं,१६ जेठ । मच्छिन्द्रनाथको भोटो देखाउने जात्राको अवसरमा सरकारले उपत्यकाका तीनवटै जिल्ला — काठमाडौं, ललितपुर र भक्तपुरमा आइतबार (१८ जेठ) सार्वजनिक बिदा दिने निर्णय गरेको छ।
गृह मन्त्रालयका सहसचिव तथा प्रवक्ता रामचन्द्र तिवारीका अनुसार, परम्परागत सांस्कृतिक र धार्मिक महत्व बोकेको भोटो देखाउने जात्राको सम्मानमा आइतबार सार्वजनिक बिदा दिइएको हो।
रथयात्राको अन्तिम दिन भोटो देखाउने जात्रा ललितपुरको जावलाखेलमा विशेष समारोहसहित मनाइन्छ। यस दिन हजारौं श्रद्धालु तथा दर्शकहरूको सहभागिता रहने हुँदा जनसहभागिता र सहजीकरणका लागि बिदा घोषणा गरिएको मन्त्रालयले जनाएको छ।
