बाजुरा,२२ जेठ । बुढीगंगा नगरपालिकाको आयोजनामा र गेटा आँखा अस्पताल कैलालीको प्राविधिक सहयोगमा सञ्चालित शिविरबाट ६ सय जनाले सेवा लिएका छन्।
- Advertisement -
शिविरको जेठ २० र १० गते बुढीगंगा नगरपालिकाको बाजुरा स्वास्थ्य चौकी टाँटेमा सुरु भएको थियो। परीक्षणपछि मोतिविन्दु लगायतका समस्या पहिचान भएका १ सय ४२ जनाको सफल शल्यक्रिया (अप्रेसन) गरिएको छ। बाँकी ४ सय ५८ जनाको सामान्य उपचारपछि आँखा सुरक्षित राख्न अपनाउनुपर्ने विधि जानकारी गराएर पठाएको आयोजकले जानकारी दिएको छ।
दुई दिनसम्म सञ्चालन भएको शिविरमा बुढीगंगा नगरपालिका, त्रिवेणी नगरपालिका, खप्तड छेडेदह गाउँपालिका लगाएका क्षेत्रहरूबाट पनि सेवा लिएका बाजुरा स्वास्थ्य चौकी टाँटेका प्रमुख छत्र थापाले बताए। विशेष गरी वृद्धवृद्धा र दृष्टि सम्बन्धी समस्याबाट पीडित व्यक्तिलाई राहत पुगेको छ।
