हेटौंडा,२६ जेठ । मकवानपुर प्रहरीले लागूऔषध ट्रामाडोलसहित दुई जनालाई पक्राउ गरेको छ। हेटौंडा उपमहानगरपालिका–५ स्थित सानोपोखरा चोकबाट शंकास्पद रूपमा बसिरहेका उनीहरूलाई सोमबार पक्राउ गरिएको हो।
- Advertisement -
पक्राउ पर्नेमा बागमती गाउँपालिका–१ घर भई हाल हेटौंडा–५ मा बसोबास गर्दै आएका २४ वर्षीय आशिष अधिकारी र हेटौंडा–२ निवासी २९ वर्षीय विज्ञान डिम्डुङ रहेका छन्।
प्रहरी चौकी चौकीटोलबाट खटिएको टोलीले नियमित गस्तीको क्रममा सानोपोखरास्थित सडक छेउमा बसिरहेका उनीहरूलाई जाँच गर्दा शरीर खानतलासीमा ट्रामाडोलका १६० ट्याब्लेट फेला पारेको हो।
- Advertisement -
जिल्ला प्रहरी कार्यालय मकवानपुरका अनुसार, उनीहरूलाई लागूऔषध नियन्त्रण ऐनअन्तर्गत थप अनुसन्धानका लागि हिरासतमा राखिएको छ। प्रहरीले लागूपदार्थसहितको कारोबारमा संलग्न हुनेहरूलाई नियन्त्रणमा लिन अभियान तीव्र पारेको जनाएको छ।
