जनकपुर,३० जेठ । मधेश प्रदेश सरकारले शुक्रबार आगामी आर्थिक वर्षको आर्थिक सर्वेक्षण प्रदेशसभामा प्रस्तुत गर्न लागेको छ । आर्थिक वर्ष २०८२/०८३ को आर्थिक सर्वेक्षण अर्थमन्त्री सुनिलकुमार यादवले आज मधेश प्रदेशसभामा प्रस्तुत गर्न लागेका छन् ।
शुक्रबार मधेश प्रदेशसभाको पाँचौ अधविेशनको ९ औं बैठकमा आर्थिक सर्वेक्षण २०८१/०८२ प्रस्तुत गर्ने कार्यसूची रहेको प्रदेशसभा सचिवालयले जनाएको हो । प्रदेशसभाका सचिव बासुप्रसाद कोइरालाका अनुसार आजको बैठकमा अर्थमन्त्री यादवले प्रदेश आर्थिक सर्वेक्षण प्रस्तुत गर्ने र सभामुख रामचन्द्र मण्डलले अर्थ मन्त्रालयबाट प्राप्त आव २०८२/०८३ को राजश्व तथा व्ययको अनुमान सम्बन्धी पत्र पढेर सुनाउने कार्यसूची रहेको छ ।
मधेश सरकारले गएको शुक्रबार आगामी आर्थिक वर्षको नीति तथा कार्यक्रम ल्याएका थिए । आउने असार १ गते सरकारले बजेट ल्याउने तयारी गरेका छन् ।
