काठमाडौं, १४ साउन । नेपाली बजारमा बुधबार सुनको मूल्यमा उल्लेख्य वृद्धि भएको छ। नेपाल सुनचाँदी व्यवसायी महासंघका अनुसार छापावाल सुनको मूल्य एकैदिनमा तोलामा १४०० रुपैयाँले बढेको हो।
मंगलबार तोलामा १ लाख ९३ हजार रुपैयाँमा कारोबार भएको सुनको मूल्य बुधबार बढेर १ लाख ९४ हजार ४०० रुपैयाँ पुगेको महासंघले जनाएको छ।
त्यस्तै, चाँदीको मूल्य पनि १० रुपैयाँले वृद्धि भई तोलामा २ हजार ३१० रुपैयाँ पुगेको छ। मंगलबार चाँदी तोलाको २ हजार ३०० रुपैयाँमा कारोबार भएको थियो।
