काठमाडौं, ११ भदौ । राष्ट्रिय स्वतन्त्र पार्टी (रास्वपा) का सभापति रवी लामिछानेको मुद्दामा उच्च अदालत बुटवल इजलासमा सुनुवाइ आज सकिएको छ।
लामिछानेको तर्फबाट उनकी पत्नी निकिता पौडेलले सहकारी ठगी प्रकरणमा बिगो बुझाएर रिहा गर्न अदालतमा रिट निवेदन दायर गरेकी थिइन्। लामिछाने हाल पुर्पक्षका लागि नख्खु कारागारमा रहेका छन्।
यसअघि जिल्ला अदालत रुपन्देहीले पनि पौडेलको निवेदन खारेज गरेको थियो। अदालतले बिगोको आधारमा रिहा गर्ने माग अस्वीकार गर्दै लामिछानेलाई रिहा नगर्ने निर्णय गरेको थियो। रुपन्देही अदालतको निर्णयपछि निकिता उच्च अदालत पुगेकी हुन्।
उच्च अदालतले सुनुवाइ सकिसकेको भए पनि, अन्तिम आदेश सार्वजनिक हुन बाँकी रहेको छ।
