कैलाली,१२ भदाै । गोदावरी नगरपालिका–९ स्थित खुटिया नदीमा नुहाउने क्रममा बेपत्ता भएका चार बालकको शव बिहीबार फेला परेको छ। मृतक बालकहरूको उमेर करिब १५–१६ वर्ष रहेको अनुमान गरिएको छ।
जिल्ला प्रहरी कार्यालय कैलालीका प्रहरी प्रवक्ता, प्रहरी नायव उपरीक्षक राजकुमार सिंहका अनुसार बालकहरूको परिचय अहिलेसम्म खुलेको छैन। उनीहरूको शव सेती प्रादेशिक अस्पतालमा लगिँदैछ।
प्रारम्भिक विवरणअनुसार बालकहरू धनगढीबाट खुटिया नदीमा नुहाउन गएको बुझिएको छ। घटनाबारे थप अनुसन्धान जारी रहेको प्रहरीले जानकारी दिएको छ।
