जनकपुर १३ भदौ । मधेस प्रदेशका मुख्यमन्त्री सतिशकुमार सिंहले स्विट्जरल्यान्ड भ्रमणमा रहने अवधि कार्यवाहक मुख्यमन्त्रीको जिम्मेवारी भौतिक पूर्वाधार विकासमन्त्री सरोजकुमार यादवलाई तोकेका छन्।
मुख्यमन्त्री सिंह स्विट्जरल्यान्डमा अगस्ट ३१ देखि सेप्टेम्बर ६ सम्म आयोजना हुने कार्यक्रममा सहभागी हुन प्रस्थान गरेका हुन्।
उनले बिहीबार जारी गरेको पत्रमा “म फर्किएर नआउन्जेलसम्मका लागि मधेस प्रदेश सरकार (कार्यसम्पादन) नियमावली, २०८० को नियम १४ को उपनियम (३) अनुसार तपाईंलाई कार्यवाहक मुख्यमन्त्री तोकेको छु,” भन्ने उल्लेख गरेका छन्।
