काठमाडौँ, १३ भदौ । प्रस्तावित विद्यालय शिक्षा विधेयकमा असन्तुष्टि जनाउँदै निजी विद्यालय सञ्चालकहरूले शुक्रबार काठमाडौंको माइतीघरमा धर्ना दिएका छन्।
प्याब्सन, एनप्याब्सन, हिसान, अपेनलगायतका संघ–संस्थाको संयुक्त उपस्थितिमा धर्ना कार्यक्रम गरिएको हो।
सञ्चालकहरूले विधेयकमा राखिएको “गैरनाफामूलक” शब्द र “पूर्ण छात्रवृत्ति” सम्बन्धी प्रावधान हटाउन माग गरेका छन्। उनीहरूले माग सम्बोधन नभए १८ भदौदेखि विद्यालय बन्द गर्ने चेतावनीसमेत दिएका छन्।
