काठमाडौं,१५ भदाै । यस वर्षको दशैंलाई लक्षित गरी सुकिला नोट साट्न पाइने व्यवस्था भदौ २९ गतेदेखि लागू हुने भएको छ।
नेपाल राष्ट्र बैंकले सार्वजनिक गरेको सूचनाअनुसार असोज १० गतेसम्म सर्वसाधारणले सुकिला नोट साट्न सक्नेछन्। मुद्रा व्यवस्थापन विभागका अनुसार थापाथलीस्थित केन्द्रीय कार्यालयसँगै प्रदेश कार्यालयहरू—विराटनगर, जनकपुर, वीरगञ्ज, पोखरा, सिद्धार्थनगर, नेपालगञ्ज र धनगढीबाट पनि नोट साट्न सकिने व्यवस्था गरिएको छ।
त्यस्तै, इजाजतप्राप्त क, ख र ग वर्गका बैंक तथा वित्तीय संस्थाका शाखा कार्यालयमार्फत पनि कारोबारको समयमा नोट सटही गर्न सकिने राष्ट्र बैंकले जनाएको छ।
यस वर्ष विजयादशमी असोज १६ गते परेको छ। घटस्थापना असोज ६ गते, फूलपाती १३ गतेका दिन परेको छ। परम्पराअनुसार दशैं पर्व घटस्थापनाबाट सुरु हुन्छ।
