काठमाडौं,१५ भदाै । नेपाली बजारमा सुनको मूल्य आइतबार फेरि ऐतिहासिक उचाइमा पुगेको छ।
नेपाल सुनचाँदी व्यवसायी महासंघका अनुसार छापावाल सुन आइतबार प्रतितोला ३ हजार रुपैयाँले बढेर २ लाख ३ हजार ६०० रुपैयाँमा कारोबार भयो। यो हालसम्मकै उच्च मूल्य हो। शुक्रबार प्रतितोला २ लाख ६०० रुपैयाँमा कारोबार भएको सुन आइतबार अचानक महँगिएको हो।
यस्तै, चाँदीको मूल्य पनि बढेको छ। शुक्रबार प्रतितोला २ हजार ३६० रुपैयाँमा कारोबार भएको चाँदी आइतबार बढेर २ हजार ४२५ रुपैयाँ पुगेको महासंघले जनाएको छ।
सुनको मूल्य लगातार उकालो लाग्दै जाँदा उपभोक्तामा निराशा छाएको छ भने व्यवसायीहरूले भने अन्तर्राष्ट्रिय बजारको प्रभाव र विदेशी मुद्रासँगको विनिमय दरका कारण मूल्य बढ्नु स्वाभाविक भएको बताएका छन्।
