काठमाडौं,१६ भदाै । निजी विद्यालय सञ्चालकहरूले शिक्षा विधेयकको प्रावधान सच्याउन दबाबस्वरूप काठमाडौं चक्रपथमा बससहित र्याली गरेका छन्।
प्याब्सन, नेशनल प्याब्सन, हिसान, अपेन र एनएमएले संयुक्त रूपमा आयोजना गरेको उक्त र्यालीमा विद्यालयका पहेँला बसहरूको लस्कर चक्रपथको एक लेनभरि देखिन्थ्यो।
सञ्चालकहरूले विधेयकमा उल्लेख भएको पूर्ण छात्रवृत्ति र गैरनाफामूलक बनाउने भन्ने शब्द हटाउनुपर्ने माग गरेका छन्। उनीहरूका अनुसार विधेयक हालको स्वरूपमै लागू भए निजी विद्यालय सञ्चालन संकटमा पर्नेछ।
र्यालीका कारण चक्रपथका केही स्थानमा अन्य सवारीसाधनलाई असुविधा पुगेको भए पनि कार्यक्रम शान्तिपूर्ण रूपमा सम्पन्न भएको आयोजकहरूले बताएका छन्।
