रौतहट,१६ भदाै । रौतहटको बौधीमाई नगरपालिका–४, इनरबारीका ५२ वर्षीय अजयनारायण मिश्रको करेन्ट लागेर मृत्यु भएको छ।
जिल्ला प्रहरी कार्यालय रौतहटका प्रवक्ता प्रहरी नायब उपरीक्षक राजु कार्कीका अनुसार सोमबार बिहान करिब १०ः२५ बजे खेतमा पानी हाल्ने क्रममा विद्युतीय मोटरबाट करेन्ट लाग्दा मिश्र गम्भीर घाइते भएका थिए।
उनी उपचारका लागि प्रादेशिक अस्पताल गौर पुर्याइए पनि बिहान ११ः१२ बजे उपचारकै क्रममा उनको मृत्यु भएको प्रहरीले जनाएको छ।
मिश्रको निधनप्रति दुःख व्यक्त गर्दै बौधीमाई नगरपालिकाका पूर्वप्रमुख राजीवरञ्जन यादवले किसानको सुरक्षा र समस्याप्रति सरकारले संवेदनशील हुनुपर्नेमा जोड दिएका छन्।
