सर्लाही,१९ भदौ । बरहथवा नगरपालिकाले वडा सदस्य राधेश्याम महतो कोइरीको निधनमा बिहीबार एक दिनका लागि नगर क्षेत्रभर सार्वजनिक बिदा दिएको छ।
बरहथवा–९ का वडा सदस्य कोइरी लामो समयदेखि मुटु सम्बन्धी समस्याबाट पीडित रहेकाले निधन भएको स्थानीयले बताएका छन्।
नगरपालिकाका प्रमुख प्रशासकीय अधिकृत रिद्धि प्रकाश सिटौलाद्वारा जारी विज्ञप्तिमा कोइरीप्रति समवेदना व्यक्त गर्दै मातहतका सबै कार्यालयमा शोक बिदा दिने निर्णय गरिएको उल्लेख छ।
