बीरगन्ज,०६ असोज । पर्सा जिल्ला पोखरिया नगरपालिका–७, जगतपुर मननपुरमा प्रहरीले करिब १९.१२६ किलो चरेस बरामद गरेको छ।
विशेष सूचनाको आधारमा प्रहरी टोलीले स.प्र.नि. चेतन बाह्रकोटीको कमाण्डमा ६ जनाको मोटरसाइकल गस्ती टोलीमार्फत छापा मारेका थिए। बरामद गरिएको चरेस दुईवटा कालो झोलामा कार्टुनभित्र लुकाइ राखिएको अवस्थामा फेला परेको प्रहरीले जनाएको छ।
छापा मार्दा घरमा कुनै व्यक्ति उपस्थित थिएन। बरामद चरेसलाई थप कारबाहीका लागि सु.बेश पोखरिया अन्तर्गत खटिएको स.प्र.ना.उ. सम्भु कटुवालको टोलीमार्फत ईलाका प्रहरी कार्यालय पोखरियामा बुझाउने प्रक्रिया जारी छ।
