काठमाडौं,०८ असोज । त्रिभुवन अन्तर्राष्ट्रिय विमानस्थलबाट करिब १ किलो सुनसहित एक भारतीय नागरिक पक्राउ परेका छन् । पक्राउ पर्नेमा ४८ वर्षीय रोनक मदनी छन् । उनलाई मंगलबार दिउँसो भन्सार एरियाबाट नियन्त्रणमा लिइएको प्रहरीले जनाएको छ।
भारतको मुम्बईबाट इन्डिगो एयरलाइन्सको उडानबाट काठमाडौं आएका मदनीलाई विमानस्थलको आगमन कक्षमा जाँच गर्दा प्रहरीलाई शंका लागेको थियो। त्यसपछि उनलाई थप परीक्षणका लागि केएमसी अस्पताल लगिएको थियो ।
अस्पतालमा गरिएको भिडियो एक्सरेमा उनको मलद्वारभित्र ३ वटा डल्लामा लुकाएर राखिएको ८३५ ग्राम अवैध सुन फेला परेको थियो। प्रहरीले उक्त सुन बरामद गरी उनलाई आवश्यक अनुसन्धान र कारबाहीका लागि त्रिभुवन विमानस्थल भन्सार कार्यालयमा बुझाएको छ।
