काठमाडौं,१२ असोज । काठमाडौं महानगरपालिका-११, सुन्धरास्थित एक गेष्ट हाउसमा शनिबार एक युवक मृत अवस्थामा फेला परेका छन् ।
झापा गौरादह नगरपालिका-१ घर भएका ३१ वर्षीय युवराज चौहानको शव फेला परेको जिल्ला प्रहरी परिसर काठमाडौंका डिएसपी पूर्णिमा चन्दले जानकारी दिइन् ।
डिएसपी चन्दका अनुसार, घटनास्थलमा शंकास्पद अवस्था देखिएको छैन र मृत्युको कारण पोष्टमर्टमपछि मात्र पुष्टि हुनेछ । घटनाको थप अनुसन्धान भइरहेको छ ।
