बर्दिया,१६ असोज । बर्दियाको मधुवन नगरपालिका–६ हुलाकी सडकमा मोटरसाइकल दुर्घटना हुँदा एक जनाको मृत्यु भएको छ। बुधबार दिउँसो लु प्र ०३००१प २०३१ नम्बरको मोटरसाइकल अनियन्त्रित भई पल्टिँदा पछाडि सवार ४९ वर्षीय प्रदीप जिसीको ज्यान गएको प्रहरीले जनाएको छ।
गम्भीर घाइते भएका जिसीलाई उपचारका लागि जिल्ला अस्पताल गुलरिया लैजाने क्रममा बाटोमै मृत्यु भएको जिल्ला प्रहरी कार्यालय बर्दियाका डिएसपी देवेन्द्र मल्लले जानकारी दिए।
मोटरसाइकल चालक ३० वर्षीय तिलक पुरी सामान्य घाइते भएका छन्। दुर्घटनाबारे थप अनुसन्धान भइरहेको प्रहरीले जनाएको छ।
