काठमाडौं,१६ असोज । राष्ट्रपति रामचन्द्र पौडेलले यस वर्ष बडादसैंँका अवसरमा नागरिकलाई टीका नलगाउने निर्णय गरेका छन्। राष्ट्रपतिबाट विगतमा टीका लगाउने कार्यक्रम हुँदै आएको भए पनि यसपालि विशेष परिस्थिति हेरी सो कार्यक्रम नराखिएको राष्ट्रपति कार्यालयकी सूचना अधिकारी अर्चना खड्काले जानकारी दिइन्।
प्रधानमन्त्री सुशीला कार्कीले पनि नागरिकलाई टीका नलगाउने निर्णय गरेकी छन्। जेनजी आन्दोलनका क्रममा युवाहरूले ज्यान गुमाएको दुःखद घटना र घाइतेहरूको पीडा अझै ताजा भएकाले यस्तो निर्णय गरिएको उनको सचिवालयले जनाएको छ।
यसअघि राष्ट्रपति र प्रधानमन्त्री दुबैले दसैंँको अवसरमा आम नागरिकलाई टीका लगाउने परम्परा रहेको थियो। तर, यस वर्ष देशको संवेदनशील अवस्थालाई मध्यनजर गर्दै दुवै शीर्ष नेताले सार्वजनिक टीका कार्यक्रम स्थगित गरेका हुन्।
