सोलुखुम्बुको डिङबोचे क्षेत्रमा असोज महिनामै परेको अप्रत्यासित हिमपातका कारण जनजीवन प्रभावित भएको छ। बिहानदेखि लगातार हिउँ परेपछि डिङबोचे, फेरिचे र वरपरका गाउँहरू सेताम्म ढाकिएका छन्।
स्थानीयवासीका अनुसार लगातारको हिमपातले अत्यधिक चिसो बढेको छ र आवतजावतमा समेत कठिनाइ भइरहेको छ। कतिपय स्थानमा विजुली आपूर्ति र संचार सेवामा समेत असर परेको बताइएका छन्।
त्यहाँ रहेका पर्यटकहरू पनि हिउँका कारण यात्रा अघि बढाउन नसकी होटेल तथा लजहरूमै रोकिएका छन्। स्थानीय होटल व्यवसायीहरूले इन्धन र सामग्री ढुवानीमा समस्या हुन थालेको बताएका छन्।
नेपाल मौसम पूर्वानुमान विभागका अनुसार उच्च हिमाली क्षेत्रका तापक्रममा अझ कमी आउने सम्भावना रहेको र सतर्क रहन आग्रह गरिएको छ।
स्रोत: नेपाल मौसम पूर्वानुमान विभाग तथा स्थानीय प्रत्यक्षदर्शीहरू
