जल तथा मौसम विज्ञान विभागले आगामी ३० घण्टासम्म मनसुन सक्रिय रहने सम्भावना रहेको जनाएको छ ।
विभागले हाल देशका अधिकांश स्थानमा वर्षा भइरहेको र त्यो क्रम आगामी ३० घण्टासम्म सक्रिय रहने सम्भावना रहेको जनाएको हो ।
उक्त अवधिमा मुख्यगरी बागमती, गण्डकी, मधेश र कोशी प्रदेशका अधिकांश स्थानमा मध्यमदेखि अति भारी वर्षा हुनेछ । त्यसमा पनि मधेश र बागमती प्रदेशमा ठूलो प्रभाव पर्ने देखिएको विभागले जनाएको छ ।
