कपिलवस्तु, २२ असोज । कृष्णनगर नगरपालिका–९ घुरनडेहवाबाट प्रहरीले करिब २ लाख ३१ हजार ७ सय रूपैयाँ मूल्य बराबरको पटका बरामद गरेको छ।
जिल्ला प्रहरी कार्यालय कपिलवस्तुका अनुसार भारतबाट नेपालतर्फ आउँदै गरेका एक व्यक्तिले प्रहरी देखेपछि बोरा फालेर फरार भएपछि प्रहरीले तलासी गर्दा पटका फेला पारी बरामद गरेको हो।
प्रहरीले हाल फरार व्यक्तिको खोजी गर्दै आवश्यक अनुसन्धान अगाडि बढाएको छ। बरामद पटकासँग सम्बन्धित अन्य विवरण र घटना अनुसन्धान पूरा भएपछि सार्वजनिक गरिने प्रहरीले जनाएको छ।
