काठमाडौं,२४ असोज । राष्ट्रिय मुक्ति पार्टी नेपालका अध्यक्ष राजेन्द्र महतोले कार्यकारिणी समितिको भर्चुअल बैठक बोलाएका छन्। महासचिव केशव झाले बैठकको शुरुवात भएको जानकारी दिएका छन्।
बैठकमा पार्टी एकता, मोर्चा र गठबन्धन, जेनजी आन्दोलन, चुनावी तयारी, आर्थिक समितिको प्रतिवेदन कार्यान्वयन, लेवी संकलन, स्वघोषणाको भुक्तानी र आर्थिक सहयोग संकलन, साथै पार्टी विधानअनुसारको संगठन विस्तार लगायतका विषयमा छलफल हुने बताइएको छ।
कार्यकारिणी समितिको बैठक सम्पन्न भएपछि भोलि केन्द्रीय समितिको बैठक पनि भर्चुअल माध्यमबाट बस्ने तयारी छ।
