काठमाडौं,२४ असोज । निवर्तमान गृहमन्त्री रमेश लेखकले अहिलेको राजनीतिक परिस्थितिमा उत्तेजना, आग्रह, पूर्वाग्रह र प्रतिशोधभन्दा माथि उठेर काम गर्नुपर्नेमा जोड दिएका छन्।
शुक्रबार पार्टी केन्द्रीय कार्यालय सानेपामा सञ्चारकर्मीहरूसँग कुरा गर्दै लेखकले भने, “जेनजी पुस्ताले जे माग उठाउनुभएको छ, ती मागलाई बुझेर लोकतन्त्रको मूल्य र मान्यतालाई आधार मानेर अघि बढ्न जरुरी छ।”
जेनजी आन्दोलनको पहिलो दिन नै पदबाट राजीनामा दिएका लेखकले मुलुकमा विधिको शासन स्थापित गर्न सबै राजनीतिक दल जिम्मेवार हुनुपर्नेमा जोड दिएका छन्।
- Advertisement -
उनले थपे, “अहिले उत्तेजित हुनु, आग्रहपूर्वाग्रह वा प्रतिशोधमा लाग्नुको सट्टा लोकतान्त्रिक मूल्य र जनताको विश्वास कायम राख्दै काम गर्न जरुरी छ।”
