मकवानपुर,२६ असोज । मकवानपुरको बकैया गाउँपालिका–५ श्रीपुरमा विद्युत् सर्ट भएर लागेको आगलागीमा एक घर पूर्ण रूपमा जलेर नष्ट भएको छ।
शनिबार साँझ करिब साढे ६ बजे स्थानीय शेर घिसिङको टायल छानो भएको एक तले घरमा आगो लागेको थियो। मकवानपुर प्रहरीका प्रवक्ता डीएसपी पुष्कर बोगटीका अनुसार आगलागीका कारण घरभित्र रहेका खाद्यान्न, लत्ताकपडा, नगद र अन्य सामान जलेर करिब २६ लाख रुपैयाँ बराबरको क्षति भएको प्रारम्भिक अनुमान गरिएको छ।
आगो लाग्नेबित्तिकै प्रहरी र स्थानीयवासीले संयुक्त प्रयासमा करिब ३५ मिनेटपछि नियन्त्रणमा लिएको बताइएको छ। घटनामा मानवीय क्षति नभए पनि सम्पूर्ण घर र सामग्री जलेर नष्ट भएका छन्।
