काठमाडौं,२६ असोज । स्वास्थ्यमा समस्या देखिएपछि शनिबार मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा भर्ना हुनुभएका राष्ट्रपति रामचन्द्र पौडेल आज डिस्चार्ज हुनुभएको छ।
अस्पताल स्रोतका अनुसार स्वास्थ्यमा सुधार आएपछि राष्ट्रपति पौडेललाई निवास फर्काइएको हो । राष्ट्रपति पौडेललाई शनिबार अचानक स्वास्थ्यमा समस्या देखिएको थियो । महारागञ्जस्थित मनमोहन कार्डियोथोरासिक सेन्टरमा उहाँको उपचार भएको थियो ।
राष्ट्रपति बिरामी परेसँगै शनिबार बिहानका लागि तय भएको जेनजी समूहसँगको भेटघाट कार्यक्रम सोमबारका लागि सारिएको थियो। उहाँ डिस्चार्ज भएपछि अब सोमबारको उक्त भेटघाट निर्धारित समयमै हुने अपेक्षा गरिएको छ।
