बीरगन्ज,२७ असोज । बीरगन्ज महानगरपालिका–९ माइस्थानस्थित अभिषेक सरार्फको सुन पसलमा राजश्व अनुसन्धान विभाग पथलैयाको टोलीले छापा मारेको छ।
सो छापामारीमा सशस्त्र प्रहरी र नेपाल प्रहरीको संयुक्त टोली समेत खटिएको थियो। विभागले प्राप्त गरेको सूचनाका आधारमा पसलभित्र अवैध रूपमा सुन राखिएको आशंकामा छापा मारिएको जनाएको छ।
राजश्व अनुसन्धान विभाग पथलैयास्थित स्रोतका अनुसार छापामारी कार्य अहिले पनि जारी रहेको छ, र हालसम्म के–कति वस्तु बरामद भएका छन् भन्ने विवरण सार्वजनिक गरिएको छैन।
- Advertisement -
राजश्व विभागले पछिल्लो समय सीमावर्ती क्षेत्रहरूमा अवैध सुन कारोबार र तस्करी नियन्त्रणका लागि कडाइ गर्दै आएको छ। वीरगञ्ज बजार क्षेत्र सीमावर्ती नाकासँग नजिक भएकाले यस्ता गतिविधि हुने जोखिम उच्च रहेको भन्दै विभागले निगरानी बढाएको जनाएको छ।
