धनगढी, ३ कात्तिक – इजरायलमा हमासको आक्रमणमा ज्यान गुमाएका कञ्चनपुरका विपिन जोशीको परिवारलाई सुदूरपश्चिम प्रदेश सरकारले दुई लाख रूपैयाँ आर्थिक सहयोग दिने भएको छ।
मुख्यमन्त्री कमलबहादुर शाहले असोज २३ मा बसेको मन्त्रिपरिषद बैठकको निर्णयअनुसार विपिनसहित हमासको आक्रमणमा मृत्यु भएका अन्य विद्यार्थीका परिवारलाई पनि जनही दुई लाख रूपैयाँ सहयोग उपलब्ध गराउने बताइन्।
सुदूरपश्चिम विश्वविद्यालयबाट बीएसस्सी एग्रिकल्चर अध्ययनका लागि इजरायल पुगेका विपिन “लर्न एन्ड अर्न” अन्तर्गत ११ महिनाका लागि इन्टर्नमा थिए। गत असोज २७ मा इजरायली अधिकारीहरूले उनको मृत्यु पुष्टि गरेका थिए।
मुख्यमन्त्री शाहले स्वर्गीय विपिनप्रति श्रद्धाञ्जली व्यक्त गर्दै परिवारजनमा हार्दिक सवेदना व्यक्त गरेका छन्। नेपाली सेनाको स्काई ट्रकमार्फत उनकाे शव धनगढी ल्याइने र घरसम्म पुर्याइने तयारी भइरहेको छ।
