काठमाडौ,०५ कात्तिक । नेकपा एमालेका अध्यक्ष केपी शर्मा ओलीले बालकोटस्थित आफ्नो निजी निवासको निरीक्षण गरेका छन्, जहाँ गत २४ भदौमा जेनजी प्रदर्शनकारीहरूले आगजनी र तोडफोड गरेका थिए।
ओलीले आज उक्त घरमा पहिलोपटक पुगेर घरको अवस्था अवलोकन गरेको उनका सचिवालयले जानकारी दिएको छ। निरीक्षण क्रममा उनले घरमा भएको क्षति र आगलागीले पारेको असरको समीक्षा गरेका छन्।
जेनजी आन्दोलनपछि तत्कालीन प्रधानमन्त्री पदबाट सत्ताच्यूत भएका ओली हाल भक्तपुरको गुण्डुस्थित निवासमा बस्दै आएका छन्। अवलोकन पछि ओलीले आगजनी र तोडफोडका घटनाप्रति कानुनी कारबाही हुनेमा विश्वास व्यक्त गरेका छन्।
सुरक्षा र सरकारी निकायसँग समन्वय गर्दै ओलीले घरको पुनर्निर्माण र आवश्यक सुरक्षा व्यवस्थाका लागि पहल गर्ने पनि बताइएको छ। यो निरीक्षण ओलीको पहिलो सार्वजनिक गतिविधि भएको र पार्टी कार्यकर्ता तथा समर्थकहरूबीच चासोको विषय बनेको छ।
