काठमाडौं,९ कात्तिक । जल तथा मौसम विज्ञान विभागले पोस्ट–मनसुन विशेष बुलेटिन जारी गर्दै देशभर वर्षा र हिमपातको सम्भावना रहेको जनाएको छ। पश्चिमी वायु र अरब सागरको न्यून चापीय प्रणालीको प्रभावले आज रातिदेखि बुधबार बिहानसम्म मौसम प्रभावित हुने विभागले जानकारी दिएको हो।
गण्डकी, लुम्बिनी, कर्णाली र सुदूरपश्चिमका केही स्थानमा हल्कादेखि मध्यम वर्षा र उच्च पहाडी तथा हिमाली क्षेत्रमा हिमपात हुने सम्भावना छ। एक–दुई ठाउँमा भने भारी हिमपात हुनसक्ने चेतावनी दिइएको छ।
विभागले सम्भावित वर्षा र हिमपातका कारण जनजीवन, कृषि, पर्यटन र पर्वतारोहण क्षेत्रमा असर पर्न सक्ने भन्दै सबैलाई सतर्कता अपनाउन आग्रह गरेको छ।
- Advertisement -
