बारा,१९ कातिक । बारा जिल्लाको फेटा गाउँपालिकाले त्रिवेणीस्थित खैरातिमाई मेलाको अवसरमा बुधबार स्थानीय विदा दिएको छ। गाउँपालिकाले जारी गरेको सूचनाअनुसार आजका लागि गाउँपालिका अंतर्गतका सकला शैक्षिक संस्था, वडा कार्यालय तथा सार्वजनिक निकायहरू बन्द रहनेछन्।
पूर्णिमाको दिन लाग्ने यस वार्षिक मेलामा भक्तजनको ठूलो भीड जुट्ने भएकाले श्रद्धालुहरूको सहजता, भीड व्यवस्थापन र मेलाको सुव्यवस्थापन का लागि विदा घोषणा गरिएको जनाइएको छ। विदा सम्बन्धी सूचना गाउँपालिकाका प्रमुख प्रशासकीय अधिकृत राकेश ओझाले हस्ताक्षर गरेर सार्वजनिक गरेका हुन्।
धार्मिक तथा सांस्कृतिक रूपमा महत्वपूर्ण मानिने खैरातिमाई मेलामा बारा मात्र नभई पर्सा, रौतहटसहित आसपासका जिल्लाबाट पनि भक्तजन आउने गर्न्छन्। परम्परागत सांस्कृतिक झाँकी, धार्मिक अनुष्ठान र स्थानीय व्यापारको चहलपहल रहने यो मेला क्षेत्रकै आकर्षण मानिन्छ।
