काठमाडौं,२५ कात्तिक । हाडनाता करणीको कसुरमा २५ वर्षको जेल सजाय तोकिएका ‘कालीबाबा’ भनिने भरत लामिछाने पक्राउ परेका छन् ।
जेनजी आन्दोलनका क्रममा गत भदौ २४ गते नख्खु कारागारबाट फरार भएका उनी पक्राउ परेका हुन् । काठमाडौं उपत्यका अपराध अनुसन्धान कार्यालयको टोलीले फरार कालीबाबालाई काठमाडौँबाटै पक्राउ गर्न सफल भएको हो । उनलाई काठमाडौँ जिल्ला अदालतले हाडनाता करणीको अभियोगमा २५ वर्ष कैद र एक लाख रुपैयाँ जरिवानाको फैसला सुनाएको थियो, जसलाई उच्च अदालत पाटनले समेत सदर गरेको थियो ।
प्रहरीका अनुसार, लामिछानेको अझै १४ वर्ष कैद सजाय भुक्तान गर्न बाँकी नै थियो । पक्राउ परेपछि उनलाई पुनः नख्खु कारागार पठाइएको प्रहरीले जनाएको छ ।
