बीरगन्ज,२९ कात्तिक । बीरगन्ज महानगरपालिका–४ स्थित त्रिजुद्ध माध्यमिक विद्यालयको खेल मैदानमा २७ जना प्रहरी कर्मचारीको सहभागितामा भिड नियन्त्रण अभ्यास सम्पन्न भएको छ।
अभ्यासमा प्रहरी नायब उपरीक्षक विक्रम सुवेदीको विशेष उपस्थिती थियो भने प्रहरी निरीक्षक सुनिल पनेरु र प्रहरी सहायक निरीक्षक भुपेन्द्र प्रसाद यादवको निर्देशनमा तालिम सञ्चालन गरिएको थियो।
तालिममा प्रहरीहरूले भीड व्यवस्थापन, तनावपूर्ण अवस्थाको नियन्त्रण, सुरक्षा घेरा निर्माण र दंगाविरोधी कार्यविधिको व्यावहारिक अभ्यास गरे। प्रहरीले जनाएको छ कि यस्ता तालिमहरूले सुरक्षाकर्मीको दक्षता, आकस्मिक परिस्थितिमा प्रतिक्रिया क्षमता र नियन्त्रण कौशलमा वृद्धि हुने विश्वास गरिएको छ।
