बारा,३० कात्तिक । बाराको कलैयामा आज सात दलहरूले प्रदेश मुख्यमन्त्रीको नियुक्तिको विरोधमा प्रदर्शन गरेका छन्। स्थानीयबासी र दलका प्रतिनिधिहरूले प्रदेशको हालको राजनीतिक निर्णयको विरोध गर्दै सडकमा उत्रिएका थिए।
प्रदर्शनकारीहरूले मुख्यमन्त्री नियुक्ति प्रक्रिया असंवैधानिक भएको भन्दै त्यसविरुद्ध आवाज उठाएका छन्। प्रदर्शनको क्रममा उपस्थित नेताहरूले होटेलमा गरिएको मुख्यमन्त्रीको नियुक्ति खारेजी मागको नारा लगाएका थिए ।
