बीरगन्ज,०१ मंसिर । नेकपा एमाले पर्सा जिल्ला कमिटीको पूर्ण पाँचौं बैठक सोमबार दिउँसोदेखि वीरगन्जमा सुरु भएको छ। बैठकको अध्यक्षता जिल्ला अध्यक्ष डा. विश्वम्भर शर्माले गरेका छन्।
बैठकमा पार्टीका केन्द्रीय सचिव तथा पूर्व उपप्रधानमन्त्री रघुवीर महासेठ प्रमुख अतिथि, पर्सा इन्चार्ज प्रभु हजरा र केन्द्रीय सदस्य निर्मला देवकोटा विशिष्ट अतिथि रहेका छन्। जिल्ला कमिटी सचिवालय सदस्य र अन्य सदस्यहरूको पनि उपस्थिती रहेको बताइएको छ।
बैठकको एजेन्डामा संगठन सुदृढिकरण, क्षेत्रीय समन्वय र आगामी रणनीति तय गर्ने विषयहरूमा छलफल हुने जनाइएको छ। पार्टी स्रोतका अनुसार यस बैठकले पर्सा जिल्लामा एमालेको संगठनात्मक मजबुतीमा महत्वपूर्ण भूमिका खेल्ने अपेक्षा गरिएको छ।
