काठमाडौँ,०१ मंसिर । राष्ट्र, राष्ट्रियता, धर्म–संस्कृति र नागरिक बचाउ अभियानका संयोजक दुर्गा प्रसाईंले आफ्नो समूहले घोषणा गरेको आन्दोलन कुनै हालतमा नरोकिने बताएका छन्।
सोमबार भक्तपुरस्थित आफ्नो निवासमा सञ्चारकर्मीहरूसँग कुरा गर्दै प्रसाईंले सरकारलाई पटक–पटक मागबारे जानकारी गराए पनि कुनै चासो नदेखिएको आरोप लगाए। उनले भने, “शान्तिपूर्ण आन्दोलन गर्नु सबै नागरिकको अधिकार हो, यो कसैले रोक्न सक्दैन।”
प्रसाईंले जेनजी आन्दोलनले उठाएका मुद्दाअभन्दा सरकार चुनावमै केन्द्रित रहेको भन्दै असन्तुष्टि प्रकट गरे। उनका अनुसार, आफूहरूले अघि सारेका एजेन्डाहरूको जनमत सङ्ग्रहमार्फत निर्णय हुनु आवश्यक छ।
उनले सरकारको उदासीनताका कारण आन्दोलनलाई अब झनै सशक्त रूपमा अघि बढाइने स्पष्ट संकेत दिए।
