काठमाडौँ,०५ मंसिर । अगामी फागुन २१ गते हुने प्रतिनिधिसभा सदस्य निर्वाचनका लागि निर्वाचन आयोगले मतदाताको उमेर सीमा निर्धारण गरेको छ। आयोगका अनुसार फागुन २० गतेसम्म १८ वर्ष उमेर पूरा गर्ने सबै नागरिकलाई यस पटकको मतदाता नामावलीमा समावेश गरिनेछ।
आयोगका प्रवक्ता नारायणप्रसाद भट्टराईका अनुसार फागुन २० सम्म १८ वर्ष पुगेका मतदाताको विवरण आयोगले मङ्सिर २० गते आफ्नो वेबसाइटमार्फत सार्वजनिक गर्नेछ। उक्त विवरणमा कुनै त्रुटि वा उजुरी भए मङ्सिर २१ देखि २७ गतेसम्म आयोगमा जानकारी गराउन सकिनेछ।
त्रुटि सच्याउने सम्पूर्ण प्रक्रिया सम्पन्न भएपछि पुस १५ गते मतदाताको अन्तिम नामावली सार्वजनिक गरिने प्रवक्ता भट्टराईले बताए।
