काठमाडौं,०५ मंसिर । नेपाल विद्युत् प्राधिकरणले भारतसँगको सहकार्यमा दुई अन्तरदेशीय प्रसारण लाइन निर्माणका लागि तीन अर्ब रुपैयाँ लगानी गर्ने निर्णय गरेको छ।
ऊर्जा, जलस्रोत तथा सिँचाइ मन्त्रालयका अनुसार, नेपाल र भारतले संयुक्त कम्पनी स्थापना गर्नेछन्। नेपालतर्फको कम्पनीमा प्राधिकरणले एक अर्ब रुपैयाँ र भारततर्फको कम्पनीमा दुई अर्ब रुपैयाँ बराबरको स्वपुँजी लगानी गर्नेछ।
इनरुवा–पूर्णिया र दोदोधारा–बेरेली रुटमा चार-चार केभी क्षमताका प्रसारण लाइन निर्माण गर्ने योजना बनाइएको छ। यस परियोजना सन् २०३० भित्र सम्पन्न हुने लक्ष्य राखिएको छ।
नेपालमा स्थापना हुने संयुक्त कम्पनीमा प्राधिकरणको ५१% र भारतीय कम्पनीको ४९% शेयर रहनेछ। भारतमा स्थापना हुने कम्पनीमा भने भारतीय कम्पनीको ५१% र प्राधिकरणको ४९% शेयर हुनेछ।
ऊर्जा मन्त्रालयका सचिव चिरञ्जीवी चटौतका अनुसार, नेपालमा लगानी प्राधिकरणको आन्तरिक स्रोतबाट हुनेछ भने भारतमा लगानी गर्न हालको कानुनमा छुट दिइने व्यवस्था गरिएको छ।
