काठमाडौँ,०७ मंसिर । जनमत पार्टीका कोशी प्रदेश इन्चार्ज बुद्धि न्योपाने र सुदूरपश्चिम प्रदेश इन्चार्ज प्रेम चौधरी नागरिक उन्मुक्ति पार्टी नेपालमा प्रवेश गरेका छन्।
सिनामंगलस्थित पार्टी कार्यालयमा जारी केन्द्रीय समितिको बैठकमा उनीहरूलाई औपचारिक रूपमा स्वागत गरिएको सो पार्टीका वरिष्ठ उपाध्यक्ष अब्दुल खाँले जानकारी दिएका छन्। प्रवेशका क्रममा उनीहरूसँग जनमत पार्टीका अन्य प्रदेश तथा जिल्लास्तरीय नेताहरू पनि उपस्थित थिए।
नागरिक उन्मुक्ति पार्टी नेपाल रञ्जिता श्रेष्ठ नेतृत्वको मूल पार्टीबाट अलग भएर रेशम चौधरीले गठन गरेका हुन्। हालै सञ्चालन भएको दुई दिने बैठकमा फागुन २१ गते हुने प्रतिनिधि सभा निर्वाचनको तयारी, समानुपातिक सूची, प्रत्यक्ष उम्मेदवार चयन, जिल्ला तथा प्रदेश कार्यालय स्थापना र संगठन विस्तारका विषयमा छलफल भएको खाँले बताएका छन्।
