काठमाडौँ,०७ मंसिर । २०४७ सालको संविधान कार्यान्वयन गर्न माग गर्दै आइतबार दिउँसो काठमाडौँको माइतीघर मण्डलामा प्रदर्शन भएको छ।
प्रदर्शनकारीहरूले शिक्षा र स्वास्थ्य निःशुल्क बनाउने, रोजगारीको ग्यारेन्टी, २०४६ साल यताको श्रोत नखुलेको सम्पत्ति राष्ट्रियकरण, सरकारी गुठी तथा शिक्षा क्षेत्रको जग्गा फिर्ता गर्ने माग राखेका छन्।
साथै, प्रत्येक जिल्लामा श्रम कारागार निर्माण, संवैधानिक राजसंस्था कायम राख्ने र वैदिक सत्य सनातनी हिन्दु राज्यको पुनःस्थापना पनि उनीहरूको प्रमुख मागमा रहेको थियो।
