काठमाडौं,०७ मंसिर । जेन(जी–२) समूहले भद्र २३ र २४ गतेका घटनामा संलग्न दोषीमाथि कारवाही गर्न सरकारसँग माग गरेको छ।
आइतबार सिंहदरबारमा गृहमन्त्री ओमप्रकाश अर्यालसँग भएको छलफलमा समूहका प्रतिनिधिहरूले जेनजी आन्दोलनको क्रममा भद्र २३ गते भएको दमन र भद्र २४ गते भएको आगजनी तथा तोडफोडमा संलग्न व्यक्तिहरूलाई कडा कारवाही गर्न माग गरेका हुन्।
समूहका प्रवक्ता अविन लिम्वूका अनुसार, उनीहरूले आगामी निर्वाचनमा सरकारलाई सहयोग गर्न तत्परता जनाएका छन्। साथै, जेन–जी–२ समूह देशभर विस्तार भइरहेको जानकारी पनि दिइएको छ।
लिम्वूले आगामी मंसिर १२ गते माइतीघरमा शहीदको सम्झनामा मौनधारण गर्दै, गृहमन्त्रीसहित अन्य मन्त्रीहरूलाई जेनजी मुद्दा र मागसहित ज्ञापन पत्र हस्तान्तरण गर्ने कार्यक्रम रहेको बताएका छन्।
