काठमाडौँ, १२ मंसिर। नेपाल प्रहरीका पूर्व अतिरिक्त महानिरीक्षक (एआईजी) विश्वराज पोखरेल राष्ट्रिय स्वतन्त्र पार्टी (रास्वपा) मा प्रवेश गर्न लागेका छन्।
शुक्रबार रास्वपाको पार्टी कार्यालय बनस्थलीमा आयोजित कार्यक्रममा उनी औपचारिक रूपमा पार्टी प्रवेश गर्ने कार्यक्रम तय गरिएको छ।
पोखरेल नेपाल प्रहरीको आईजीपी पदका प्रमुख प्रतिस्पर्धीमध्ये एक थिए। शेरबहादुर देउवा नेतृत्वको सरकारले धिरज प्रताप सिंहलाई आईजीपी नियुक्त गरेपछि असन्तुष्ट बनेका पोखरेलले राजीनामा दिएका थिए।
