वीरगन्ज,१५ मंसिर । पर्साका स्थानीय तहले आन्तरिक राजस्व संकलनमा लगातार लक्ष्य पुरा गर्न सकेका छैनन्। पर्सागढी नगरपालिकाले चालु आर्थिक वर्षमा रु ३ करोड २६ लाख राजस्व उठाउने लक्ष्य राख्दा ३१ प्रतिशत मात्रै अर्थात् रु १ करोड ३ लाख उठाउन सक्यो। वीरगन्ज महानगरले पनि रु ८१ करोडको लक्ष्यमा ६२ करोड मात्र संकलन गरेको छ।
विशेषज्ञहरूले स्थानीय तहको आन्तरिक आय वृद्धि गर्न कर प्रणाली व्यवस्थित गर्न, प्रविधिमैत्री प्रणाली अपनाउन र विभिन्न सेवामा राजस्व संकलनलाई प्रभावकारी बनाउने सुझाव दिएका छन्। उनका अनुसार कर चुहावट र अनियमित छुटले स्थानीय सरकार कमजोर बन्ने जोखिम बढाएको छ।
