जनकपुर,०७ पुस । मधेस प्रदेशका नवनियुक्त सभामुख रामआशिष यादवले सोमबार प्रदेश सभा कार्यालयमा पदभार ग्रहण गरेका छन्।
पदभार ग्रहण गर्दै सभामुख यादवले सुशासन र पारदर्शिता आफ्नो पहिलो प्राथमिकता हुने बताएका छन्। उनले भने, “मधेस प्रदेशसभा आन्दोलनको प्रतीक हो र प्रदेशसभा हाम्रो पहिचानमा आधारित छ। मेरो पहिलो प्राथमिकता सुशासन र पारदर्शिता कायम राख्नु हो।”
यससँगै यादवले प्रदेशसभाको कार्यसूची संचालन र प्रदेश व्यवस्थापनमा नयाँ उर्जा र पारदर्शिता ल्याउने संकेत दिएका छन्।
