वीरगन्ज,१९ पुस । पर्सा प्रहरीले वन मुद्दामा फरार रहेका प्रतिवादी नजिर अन्सारीलाई साढे १४ वर्षपछि पक्राउ गरेको छ। विशेष सूचनाको आधारमा इलाका प्रहरी कार्यालय पटेर्वासुगौलीको टोलीले उनलाई पक्राउ गरेको हो।
पक्राउ पर्ने अन्सारी सखुवाप्रसौनी गाउँपालिका–४ देउरवाना बस्ने ५६ वर्षका व्यक्ति हुन्। उनीमाथि पर्सा जिल्ला अदालतले ०६८ साल असार २० गते वन सम्बन्धी मुद्दामा १७ दिन कैद र २२ हजार ६०० रुपैँया जरिवाना सजाय सुनाएको थियो। फैसलापछि उनी फरार भएका थिए।
अन्सारीलाई आवश्यक कारबाहीका लागि पटेर्वासुगौली प्रहरीको नियन्त्रणमा राखिएको छ।
